Deegaanka Maygaagle Waxa Maanta Galinkii Hore lagu soo Xidhay Wajigii Labaad ee Wadahadalada Beelaha ka soo kala Jeeda Buuhoodle iyo Burco oo Mudooyinka lagu dhex dhexaadinayey deegaanka Maygaagle oo dhex dhexaadintaasi labada Beelood ay Wadaan Waxgaradka ka kala yimid Puntland iyo Somaliland oo isugu jira salaadiin, Isimo iyo Culumo farabadan.

Wajigii labaad ee shirkaasi ayaa lagu soo Xidhay Isimada Labada Garab oo goobtaasi kaga dhawaaqaya inay Nabada la Qaatay ay ka shaqaynayaa Waxana dhinaca Buuoodle goobta uga hadlay Garaad Saleebaan Buraale Aadan oo goobta ka sheegay inay aad ugu faraxsan yihiin Waxyaabihii la soo Qabtay oo kamid ahaayeen Xabad Joojintii iyo Dhaartii la dhaariyey Xubnaha ka soo kala Jeeda labadaasi Beelood ee Walaalaha ah, Garaadka ayaana intaasi raaciyey in guud ahaanba Reer Buuhoodle Nabada diyaar u yihiin Wadahadalna ku soo dhawaanayaa.

Dhinaca Reer Burco Waxa Goobta uga Hadlay Suldaan Maxamuud Guuleed Mire oo ku Dheeraaday Walaaltinimada Dhextaala labada Beelood Waxana uu Suldaanku sheegay in aan Waligood labadan Beelood kala Maarmayn, ka Reer Burco ahaanaba Nabada diyaar u yihiin ayuu yidhi Suldaan Maxamuud Guuleed Mire ( Waraysigaasi oo dhan ka dhagayso Ceegaag.com)