Waxaa maanta oo Sabtiya kadhacay garoonka ciyaaraha ee Reggie Lewis Center ee magaalada Boston ciyaaraha loo yaqaano New Balance Indoor Grand Prix. Ciyaarahan oo aalaba ah orod iyo qori ku bood waxay bilaabmeen saacadu markay ahayd 6:10PM saacada bariga wadankan maraykanka. Markii ay goorsheegtadu ahayd 7:10 PM ayaa waxaa soo galay garoonka oradyahanadii ku tartamayay 3,000 oo uu ka dhex muuqdo orodyahanka caanka ah ee reer Britain laakiin asal ahaan ka soo jeeda dalka Soomaaliya Mo Farah. Mo Farah oo si aada loo saadaalainayay inuu ku guulaysanayo tartanka ayaa waxaa si lama filaaana uga badiyay Gebremeskel oo ka socday wadanka Ethiopia. Orodkan oo ahaa 15 wareeg ayaa Gebremeskel wareegee horeba kabta midig ka baxday cagtiisa laakiin taasi ma aanay ka joojin inuu ku guulaysto orodka. Mar wax laga weydiiyey Gebremeskel kabta ka dhacday waxa uu yidhi "aad ayay iigu adkayd inaan ku guuleysto orodka aniguu ku cararaya kab kaliya". Inta taariikhda la ogyahay maahan markii ugu horeysay ee ciyaaryahan Ethiopian uu ku guulaysto orod isagoo cagaagan. 1960 ciyaariihii xagaaga ee ka dhacay wadanka Italy ayaa orod yahan Abebe Bekele oo ahaa ciyaaryahankii ugu horeeyay ee orod maaradoona ku guulaysta isagoo cagacad.